العيب فى مين «أرتقوا»

إعلان بسيط على  موقع التواصل الاجتماعى «الفيس بوك» خلاني اكتب عن الموضوع ده، بنت بتقول وهى صغيرة كانت هتموت وتكبر و تبقى فى الجامعة، و لما دخلت الجامعة بقت هتموت وتلحق تتجوز عشان ميتقالش عليها عانس ولما اتجوزت بقت هتموت و تخلف عشان متسمعش كلمة من حد، ولما خلفت بقت هتموت وتكبر أولادها و يدخلوا طب عشان تتباها بيهم قدام الناس، ولما راح عمرها وراح شبابها وأنوثتها فعلا قربت تموت اكتشفت انها نسيت تعيش .

كل دا مترتب على الناس والمجتمع وهيقولوا إيه.. المجتمع! أيوه هو السبب فى حاجات كتير أنا وأنت وكل الناس اتحرمنا منها ولسه بنتحرم وهنحرم أجيال هو «العيب فى مين» .

العيب فينا احنا كشباب ولا العيب فى أجدادنا ولا العيب فى المجتمع نفسه، من وجه نظرى كده أن العيب فينا احنا، احنا اللى بنمشى على عادات وتقاليد بتنهى حياتنا وبتدمرها، العيب فى اللى مصمم يمشى عليها وبايده ينهيها ويرتقى.. كفاية حرمان عامل زى الحيوان المفترس جوه قلوب ولادكم، ولادكم بتضيع بسبب المجتمع والناس وكلامهم.. «أرتقوا» .