رأس السنة.. الفياجرا فى مواجهة الحديد

هتخليك حصان... هتبقى شمشون الجبار... أحلى ليلة فى الدنيا عليك.. الجمل دى و جمل  كتير مبتكرة بقينا بنسمعها مش من كبار السن بس لا و كمان من الشباب المتجوز و  بقت أكثر الهدايا قيمة هى شريط الفياجرا  (و خاصتا للعريس الجديد ) و البعض يأتى بشريط  ويقسمه و يهدى أصدقائه بحباية أو أثنين لكل منهم فى الأعياد و بما أننا أقتربنا من رأس السنة فاكيد فى شباب كتير هتحب ( تصبح على صحابهم المتجوزين ) و هتهديهم هدية مميزة طبعا مفيش أحسن من الحباية

أنا سالت نفسى معقول شاب عنده 30:25 سنة و يكون محتاج ياخد منشط عشان يأدى دورة  على اكمل وجه ؟

بصراحة الفضول  شدنى جدا للموضوع و فكرت أقرب أكتر  و جلست أمام الكمبيوتر و فتحت جوجل و كتبت ( تـاثير الفياجرا ) و طلع ليا صفحات كتيرة جدا بالظبط 111000  من النتايج و ساعتها عرفت أن الموضوع كبير بجد .

أخترت موقع من المواقع العلمية عشان يكون كلمها مصدق و بدأت أقرا عرفت أن قرص الفياجرا بيكون فية مادة من عنصر نشط أسمة الفياجرا و ده عبارة عن دواء بيستخدم فى الضعف الجنسي و المادة  دى بينتج عنها الانتصاب عن طريق توسيع الأوعية الدموية  فى العضو الذكرى و المادة دى بتحسن تدفق الدم الى العضو الذكرى .

لما قرأت الكلام دة  فكرت فى حاجتين  الأولى معقول  الشباب اللى عنده 25 .26.27.28 سنة عنده ضعف فى تدفق الدم  للعضو الذكرى طيب ممكن يكون واحد أو أتنين  لكن  الناس الكتير دى عندها نفس المشكلة طبعا مش معقول

الحاجة التانية اللى شدتنى للكلام  جملة ( تدفق الدم الى العضو الذكرى ) انا بحكم دراستى لمواد علوم الصحة  بسمع جملة (تدفق الدم للعضلات ) و بعد تركيز شوية و شوية  قولت طلاما الفياجرا بتعمل على تدفق الدم  يعنى القضيب فية عضلات

فسألت نفسى ..طيب لما  فكرة الفياجرا بتعمل على تدفق الدم للعضلات والرياضة بتعمل على تدفق الدم للعضلات معنى كدة أن اللى بيلعب رياضة ذى اللى بياخد فياجرا ؟

طبعا لصديقى العزيز الكمبيوتر و فتحت صديقى التانى جوجل  و كتبت تاثير الرياضة على الحالة الجنسية للرجال و الغريب انى وجدت 1,820,000 نتيجة من المواقع المهتمية بالموضوع ده .

أخترت موقع علمى  عشان المعلومة تكون موثقة جدا و فتحت الموقع و قرات أول فقرة فى الموضوع  بتقول "مكنامارا" قال أن ارتباط ممارسة الرياضة بالأداء الجنسي قد يرجع لأن الرياضة تزيد من تدفق الدم في العضو الذكري مما يجعل الانتصاب أسهل، كما أن الرياضة تجعل الرجال في حالة مزاجية جيدة وتشعرهم بالثقة في أنفسهم مما يؤثر أيضاً على القدرة الجنسية".

مين بقا مكامارا ؟ دى د.إيرين مكنامارا من المركز الطبي لجامعة ديوك بتقول انهم بعد ما عملوا دراسة  و بحثوا فى تأثير الرياضة على القدرة الجنسية للرجال أكتشفوا (القدرة الجنسية أفضل عند الرجال الذين يمارسون الرياضة بشكل معتدل أي يمارسون رياضة المشي 30 دقيقة في اليوم أربع مرات في الأسبوع)

يعنى د مكنامارا بتقول ان الرياضة مش بس هتزود القدرة الجنسية لا و هتظبط دماغك من متاعب الشغل و التفكير و دة طبعا هيأثر عليك إيجابى على الحالة الجنسية بشكل عام .

يعنى لو مشيت أربع مرات فى الأسبوع نص ساعة هتكون ( ذى الحصان ) يعنى هتكون ذى الى بياخد حبوب الفياجرا بالظبط .

و بعد ما عرفت المعلومة دى فضلت أفكر شوية أذا كان الواحد لو مشى 30 دقيقة أربع مرات فى الأسبوع هيكون أفضل طيب لو واحد بيتمرن لعبة معينة او بيروح GYM  و بيقوى عضلاته هيكون عامل ايه ؟

طبعا قولت أسأل صديقى جوجل و أشوف  يمكن الاقى حاجة أقوى شوية من المشى و فعلا لقيت مواقع كتير بتكلم عن تقوية العضلات وعلاقتها بالقوة الجنسية

فتحت موقع و قرات أول فقره لقتها بتقول تساعد تمارين القوة في زيادة الرغبة الجنسية لديكم؛ إذ تزيد من الإنتاج الهرموني، والذي بدوره يعزز هرمون التستوستيرون، وأظهرت الدراسات أن تمارين القوة المصحوبة بالراحة الكافية لن تزيد من رغبتكم الجنسية فحسب، بل سترفع من ثقتكم بنفسكم.

يعنى لو لعبت تمارين قوة هتزيد من أنتاج الهرمون المسؤل عن الجنس عند الرجال و بكدة هيزيد القوة الجنسية  وكمان مش هتزيد القدرة بس لا و هتزيد  الثقة بالنفس يعنى ( هنضرب بيك المثل بعد كده ).

و فى واحد كان بيقول كلام عجبنى جدا بيقول أن ممارسة العلاقة الجنسية  تتطلب تشغيل العديد من العضلات كل منها بصورة مختلفة و قسم من العضلات التي تعمل عند ممارسة الجنس، تعمل بشكل مختلف عن العادة، لذا فإن العمل على تقوية هذه العضلات يضيف الكثير الى الحياة الجنسية.

 ومن المهم الإنتباه إلى أنه يجب تطوير فعالية ونشاط الجسم، لأن تحسين ادائه الجنسي متعلق بعدة عوامل عضلية هي: قوة العضلات، السرعة  في العمل، الدقة، التحمل والليونة. هذا التحسن الناتج يزيد من الرغبة الجنسية لدى المتدرب ويحسن من الحالة النفسية ايضاً.

الكلام ده فهمت منه أن العلاقة الجنسية بتتطلب عضلات كتير فالراجل بيقول أن لو أحنا قوينا العضلات دى أكيد هيزود العلاقة الجنسية و هيخليها أفضل وبعد ما قراءة الكلام دة فهمت أن بدل ما الشاب ياخد دواء  أسمة الفياجرا  معمول اساسا لمرضى الضعف الجنسي  ممكن يلعب رياضة و يمشى 30 دقيقة بس اربع مرات فى الأسبوع و لو هو عاوز يكون أفضل ( وحش )  يتمرن تمرينات قوة عضلية  على الاقل 3 مرات فى الاسبوع .

حولت ابسط الكلام وما قولش  كلام  كبير ( مكلكع ) عشان يوصل لكل الشباب فكر فى كلامى كويس و جرب  تمارس رياضة اسبوع واحد و يشوف النتيجة.

الفياجرا لم و لن تستطيع الأنتصار على  الرياضة و اسوأء العادات أن يتمسك الفرد بعادة، أن أرادت أن يكون لك عادة فتكون هى الرياضة .