أيمن بهجت قمر: «أبقى طماع أحسن من الانطاع»

شن الشاعر الغنائى أيمن بهجت قمر هجوما حادا على سالم الهندى، المدير التنفيذى لمجموعة شركات روتانا للصوتيات والمرئيات، خصوصا بعد أن صرح الأخير أن سبب الأزمة بين أيمن بهجت قمر وبين روتانا هو أن أيمن طماع.

وبدوره رد أيمن من خلال حسابه الخاص على موقع التواصل الاجتماعى "فيسبوك" قائلا: "الشىء اللى أنا هشهره دلوقتى ده بيغلط فيا، وبيقول عليا طماع عشان كشفت أنهم بياخدوا تلت الأداء العلنى بتاعى أنا وعدد كبير من زمايلى، والساسام رجعوا لنا حقوقنا منهم بعد مشكلتى معاهم فى روتانا".

وأضاف: "الشىء ده اثبتلى إنه فى منصب كل همه يصحى يكوى جلبيته وبس، ومش فاهم حاجة وبيتكلم، أنا على فكرة عمرى ما اتكلمت معاهم فى الديجيتال، أنا اتكلمت فى أدائى العلنى، وأن يبقى عندى حرية أدى الأغنية لمين يستغلها إعلان أو لما تتغنى بره، ودى أبسط حقوقى القانونية يا جاهل يا شىء.. لو أنا طماع ماكنتش خسرتكوا يا بو الجلاليب.. عموما أنا موافق أبقى طماع على الأقل أفضل ما أبقى من الأنطاع".