وقفة احتجاجية لطلبة الثانوية بالزقازيق للمطالبة بإلغاء «التنسيق».. ويدشنون «تمرد» على «فيس بوك»

نظم العشرات من طلبة وطالبات الثانوية العامة وقفة احتجاجية أمام مبنى ديوان عام محافظة الشرقية، اعتراضًا على صعوبة امتحان الفيزياء لطلبة علمى علوم ورياضة وللمطالبة بإلغاء تنسيق الثانوية العامة ومحاسبة المقصرين فى الوزارة على تسريب الامتحانات .

وحمل الطلاب عدد من اللافتات المنددة بصعوبة الامتحانات كان منها «لا للظلم» و«إلغاء تنسيق الثانوية العامة 2016» و«تغيير المناهق العقيمة»، كما رددوا عدد من الهتافات كان من أبرزها «على وعلى وعلى الصوت .. صوت الطالب مش هيموت» و« ياللى ساكت ساكت ليه..عندك واسطة ولا إيه»  و« يا كلية فينك فينك..التنسيق بيننا وبينك» .

كما رددوا هتافات أخرى احتجاجًا على وضع الامتحانات الصعبة والتى وصفوها بالعقيمة وخارج مناهج الوزارة منها « علمى رياضة وعلمى علوم.. والأدبى كمان مظلوم» و« قتلو حياتنا قتلو الحلم.. حتى الفيزيا طلعت فيلم» و « ياللى بتسأل احنا مين ..احنا الطلبة المظلومين» و «أهتف أهتف عللى الصوت.. امتحاناتنا بالشلوت» و « أه يا وزارة مافكيش عدل..واللى فيكى أكبر ندل» كما رددوا هتافات بعد إلغاء امتحان الدين « عايشين فيها بقالنا سنين..قتلوا الفيزيا فين الدين» .

وفى السياق ذاته، دشن عدد من الطلبة صفحة على موقع التواصل الاجتماعى «فيس بوك» تحت عنوان «تمرد الثانوية العامة بالشرقية 2016» للمطالبة بإلغاء تنسيق الثانوية ومحاسبة واضعى مادة الفيزياء .

صور اخرى