زوجة فى دعوى خلع: «حمايا حاول يتحرش بيا .. بيقولى انا وابنى واحد»

روت الزوجة من داخل محكمة الأسرة فى السلام قائلة: «متجوزة بقالي سنتين، جواز عائلي بس من بعيد، معنديش أطفال، كان طيب بس أكتشفت غير كدا، قعد فترة من غير خلفه، ولما حملت وبقيت في الشهر الرابع، لاقيته جه في مرة من الشغل بليل  بيزعق في وشي وتعدى عليا بالضرب والسب ووقعت على الأرض وأغم عليا، وللأسف خسرت الطفل اللى كنت منتظراه ولما ربنا يكرمني يسقطني هو بإيداه ولاخايف عليا ولا عايز الطفل» .

وأشارت الزوجة في دعواها أمام محكمة الأسرة بالسلام : «جه اعتذرلي وقالي أنا أسف، وهنبدأ من جديد، بس قالي أنا هبيع الشقة عشان مش معايا فلوس وهنروح نقعد عند أهلي الفترة عقبال مايتحسن الحال، روحنا قعدنا عند أهله، وكان في الأول معاملتهم حلوة ليا، والدته متوفية، وأبوه بس اللي عايش واخوته بيشتغلوا وبيجوا بليل على النوم بس ، وأنا جوزي بيشتغل وبيجى بالليل، بدأ حمايا لما نكون لوحدينا في الشقة بيلمحلي بحاجات كتير ويقولي عادي هو أبني فأحنا الأتنين واحد».

وأختمت الزوجة في دعواها أمام محكمة الأسرة : «وحاول كذا مرة يتحرش بيا، بس مقدرتش أكمل على الوضع دا، وهددني كذا مرة أني لوقت لجوزي هيقوله أني أنا اللي عايزة كدة علشان أخد منه فلوس، أنا استحملتهم كتير، بس لحد كدة وكفاية، طلبت منه الطلاق رفض وقالي مفيش طلاق انا هحبسك هنا، روحت سبت البيت وذهبت إلى أسرتي، ولجأت إلي محكمة الأسرة السلام لرفع دعوى خلع ضده».