طريقة عمل سمك بورى سنجارى من مطبخ الشرقية الآن
مطبخ الشرقية الآن يقدم لك سيدتي طريقة عمل سمك بورى سنجارى من الست مفيدة .
المقادير:
سمكتين بورى كبار
1 بطاطس صغيره
1 فلفل احمر متوسط
1 فلفل اصفر متوسط
1 بصله
3 طماطم
1 فلفل رومى كبير
1 جزره كبيره
توابل بمقدار ملعقه شاى لكلاً من (بربيكا، فلفل اسود ، ملح ، كسبره ، كمون ، زعتر ناشف)
فصين توم
2 ملعقة مسطرده
3 ليمونه
الطريقة :
نقطع البصل و الطماطم شرائح
نقطع انواع الفلفل و الجزر و البطاطس مكعبات
نخلط التوابل و الخضار معاً
نفتح السمك من ظهره و ننضفه كويس
نحط الخلطه على السمك و نتركه ساعتين
نطلع السمك من التتبيله و نحط ملعقة مسطرده و نفردها فى السمكه و بعدين نحط تتبيلة الخضار و التوابل
نجيب صنيه كبيره و نحط كل سمكه فى ورق فويل
نسخن الفرن 10 دقائق على درجة حراره 200 و بعدين نحط السمك لمدة عشرون دقيقه
يقدم مع الارز الابيض و الطحينه