زوجة فى دعوى خلع: بيستحمى بعد معاناة ولما بيقرب مني ريحة عرقه بتتعبنى

روت الزوجة في دعواها أمام محكمة الأسرة مصر الجديدة :«متجوزة بقالي 7 شهور، جواز صالونات، كان أبن صاحب والدي، تم الزفات بعد سنة من الخطوبة، معنديش أطفال، اكتشفت بعد الزواج انه بيستحمى بعد معاناة، ومش بيدخل كتير، ولما بيقرب مني بيبقى ريحته مش كويسة، بدأت ألفت نظره وأنه مفروض يستحمى كل شوية بدل الريحة دي، بس لا حياة لمن تنادي».

وأشارت الزوجة: «وبيشرب كمان سجاير معاها، مبقتش طايقة أعيش معاه نهائي، مخلي ريحة الشقة مش بتطاق نهائي، ولا بيعتني بنظافته الشخصية، ومبقتش أقادرة أعيش معاه ولا في الشقة، ولما بيقرب مني بصوت وازعق، والجيران تسمع، لما بيسألوني بقيت محرجة أقول أيه ليهم وبقيت اسكت، ومقولتش لأهلي».

وأختمت الزوجة في دعواها أمام محكمة الأسرة«: مش عارفة أكمل معاه ولا أعيش معاه حياتي انتهت على كدة مبقاش يحس ولا يحس بيا أنا كل مرة أقوله يطنش كلامي ويعمل نفسه مش سامح، فلجأت إلي محكمة الأسرة مصر الجديدة لرفع دعوى خلع ضده».