اعترافات كوافير حريمي: «زبونة أوقعتي في الإدمان وحولتني لتاجر هيروين»

السبت 23 نوفمبر 2019 02:32:00 مساءً

"تعرفت عليها فى محل الكوافير اللى بشتغل فيه فى الزاوية الحمراء، وعرفتنى على طريق المخدرات، أنا كنت كل يوم بشوف أشكال وأصناف من السيدات فيهم المحترم وفيهم اللى مش كويس، لكن دى طلعت شيطانية، استغلتنى عشان علاقتى الكبيرة بالزبائن عشان أوزع المخدرات عليهم، علمتنى الهيروين وبقيت مدمن، ومنعته عنى مرة واحدة عشان أبقى تحت رحمتها وأوافق أتاجر معاها، واتقبض عليا فى المحل ومعايا الشغل كله".. بهذه الكلمات اعترف "عماد.ش" 73 سنة كوافير حريمى، أمام النيابة بالتورط فى جلب وتوزيع الهيروين والحشيش بعد أوقعته تاجرة مخدرات من زبائن المحل فى فخ الاتجار بالمواد المخدرة .
 
وكشف المتهم، فى تحقيقات النيابة، عن أنه اتخذ من دائرة قسم الزاوية الحمراء مكانا له لترويج تجارته غير المشروعة، بغرض توفير متطلباته المعيشية، وما يتعاطاه من المواد المخدرة وتحقيق الثراء السريع. 
 
بدأت القضية بنجاح رجال الإدارة العامة لمكافحة المواد المخدرة، بالقاهرة فى القبض على "عماد.ش" 37 سنة كوافير حريمى، مقيم فى منطقة الزاوية الحمراء، وبحوزته 600 جرام من الهيروين، قبل توزيعها على عدد من عملائه فى المنطقة، و100 جرام من مخدر الحشيش . وكشفت معلومات سابقة جمعها بمعرفة رجال المباحث اتهامه فى قضايا حيازة وترويج المواد المخدرة.