إصابات لمجندين وضرب.. عريس ومعازيمه يحولون فرح لمجزرة بالزقازيق

تحول حفل زفاف بنادي احمد عرابي بالزقازيق التابع لقيادة الجيش إلى مجزرة بسبب مشاجرة بين مسئولي القاعة والمعازيم أسفرت عن إصابة جنديين من قوة تأمين النادي بإصابات خطرة أحدهما بالعناية المركزة. وقال احمد نحلة شاهد عيان: "اللي حصل بالظبط بدأت الزفه وكالعادة العساكر قفلت البوابة ومنعت دخول الضيوف لمدة عشر دقايق علشان بيتعمل شو للزفه علشان الفيديو والفوتوجرافر ياخدوا صور مميزه للعروسين والقوة". وأضاف: "خرج عسكري وصف ظابط علشان يتعاملوا مع الناس اللي بتبقي واقفه بره ويفهموهم هما ليه قافلين البوابه لمدة عشر دقايق، طبعا الضيوف اللي جايين الفرح ماعجبهمش وصمموا يدخلوا.. فالعسكري هيثم قالهم ماينفعش هي بس عشر دقايق عشان التصوير فجأه واحد واقف شتم بلفظ خارج جدا وضرب العسكري فصدره وزقه وبدون مقدمات قال للشباب اللي معاه ذق يالا وادخل". وتابع نحلة: "وفجأه هجوم عالبوابة وضرب فالعسكري .. والصف ظابط لوحده ماقدرش عليهم واقتحموا البوابه ودخلوا والزفه شغاله وخبط ورزع وتكسير فكونتر بتاع الامن.. فجأة المعازيم الموجودين جوه فالزفه اتخضوا وقعدت الستات تصوت.. كل ده الزفة ماوقفتش وحاولوا يكملوا إلا أن الضيوف اللي مش محترمه لقوا اللي جايين من بره بتكسر وشدين العسكري هيثم بتاع أمن البوابة بينضرب انضموا بهمجيه عليه ونزلوا ضرب فيه..طبعا صف الظابط بلغ مدير النادي باللاسلكي اللي بسرعة خرج وبعت عساكر تسيطر المشكلة، إلا أن الموقف استمر بشكل غريب كل عسكري جاي من جوه النادي بيجري عالبوابه بيتقابل من باقي المعازيم بالضرب، وفجأة شباب الفرح جريوا جوه النادي اللي شايل كرسي واللي اخد خشبه من شماسي الترابيزات وطبعا فرح كامل بيضرب فحوالي 10عساكر، فجأة عساكر بتترمي عالارض دمها سايح، وفجأة لقينا شباب الفرح اللي كانوا فوق فالقاعه اتبلغوا من اللي تحت ان في خناقه مع العساكر مسكوا عسكري خدمة في القاعة كان على باب القاعة اتلم عليه عدد من المعازيم، واحد خنقه من الخلف والباقي ضرب فصدره وضلوعه ونزلوا سحل لحد تحت العسكري ده في العناية المركزة دلوقتي بين الحياة والموت والعسكري بتاع الأمن اللي انضرب أول واحد مصاب بكسر فالجمجمة وتجلطات دمويه بالرأس وشلل تام فالحركه وفي العناية المركزة".