"اللعنة"... "الجزء الأول"

الجزء الأول "اللعنة"

حساام منهاار ودموعه مغرقه وشه: مش مسامحك ياشريف .... انت السبب .. انت السبب

شريف: انا ياحسام.. انا اللي قتلت مراتك وبنااتك!!

حسام: انت اللي دخلت اللعنة دي حياتنا

شريف: انا عازرك.. بس اقسملك بالله انا ماصدقتش اللي لما شفت بعيني ..

حسام: حسبي الله ونعم الوكيل فيك...

فلاااش باااك......

شريف: ياااه ياحساام أخيرا حلمنا هيتحقق .. اخيرا لقينا حته الأرض اللي هنبني عليها المستشفي اللي ياما حلمنا بيها طول السنين دي

حسام: الحمدلله ربنا بيحبنا .. وكمان سعر الارض كويس اوووي انا حاسس ان ربنا راضي عننا

شريف: انا هروح اشوف السمسار واجي

حسام: تمام انا مستنيك هنا

حسام وهو باصص للارض والفرحه ماليا عنيه والسعاده غمراه... بيخبط ع كتفه حد .. بيلتفت حسام بيلاقي حد شكله غريب ولبسه اغرب ولابس عقد كبير لونه ازرق وماسك عصايا ف ايده ورابط راسه بقماشه لونها ازرق ..

الراجل: انت مين!

حسام: انا الدكتور حسام اللي هشتري الارض دي ان شاء الله

الراجل: اي ارض!

حسام: الارض اللي ادام حضرتك دي

الراجل: احسنلك تمشي من هنا وماتشتريهااش

حسام: نعم! ليه يعني خلاص احنا اتفقنا مع السمسار وهنكتب العقد دلوقتي .... هو انت مين!!

الراجل: انا حذرتك .. امشي انت وشريف وماتسألش واشتروا نفسكوا علشان انتوا مش اد اللي ممكن يحصل لكوا لو اخدتوا المكان ده........ وبيسيبه ويمشي

حساام: ياعم ... ياعم استني.. فهمني تقصد ايه!!

حسام واقف سرحان ف كلام الراجل الغريب ده ..

شريف: ايه يادكتور .. من دلوقتي هتسرح..

حسام: شريف مابلاش الارض دي ..

شريف: نعم.. بلاش ايه.. هنلاقي فين ارض بالسعر ده .. انت ناسي اننا لسه ادامنا مصاريف بني واجهزه لازم تيجي

حسام: انت مش فاهم... باين الارض دي عليها مشاكل .. ف راجل لسه ماشي دلوقتي قالي انا بحذرك لو اشتريت الارض دي انت وشريف وقالي اشتروا نفسكوا انتوا مش اد اللي هيحصلكوا لو اخدتوهاا... اكيد الارض دي عليها مشاكل واحنا مش ناقصين ..

شريف: هههههههه وكماان عارف اسمي...... انت بتقول ايه بس بئي علشان كلمتين زي دول من حد ماتعرفهوش تقولي بلاش ناخدها .. ياحساام الارض دي لقطه وموقعها كويس جداا .. واكيد الراجل ده بيسمسر عليها لحد تااني عاوزها وقال يهددنا .. لكن خلاص السمسار جي ومعاه العقود ...... تخيل معايا يا حسام المستشفي بتاعتنا وهي مبنيه وكامله من كله .. يااااه اخيرا ربنا هينولنا اللي ياما حلمنا بيه .. هاا يادكتور نتوكل ع الله ...

موبايل شريف رن..: الو ايوه ياحج منصور احنا عند الارض .. نجيلك البيت ..حااضر احنا جيين ............. هاا يادكتور مش يلاا بينا الراجل مستنينا

حسام: شريف انا مش مطمن وقلقاان

شريف: سيبها ع ربنا.. وقلقك سيبه علياا ويلا بينا يادكتور الراجل مستنينا

..............

بيروح حسام وشريف وبيكتبوا العقد

منصور السمسار: الف مبرووك يادكاتره..

شريف: الله يبارك فيك ياحج منصور.... بس مش كان صاحب الارض يكون موجود ع الاقل نتعرف عليه

منصور: يادكتور الايام جايه كتير... والله وماليك عليا يمين كان نفسه يكون موجود بس جاله شغل مفاجئ اضطر يسافر وعملي توكيل وانا هحوله الفلوس اول مانسجل العقود ع طوول

حساام: ياحج منصور هو ف حد كان عاوز يشتري الارض غيرنا

منصور: الشهاده لله يادكتور اللي عاوزنها كتيير بس انتوا حاجه تانيه وبعدين انتوا هتبنوا مستشفي هتعالج الناس يعني مافيش احسن من كده

شريف: الله يخليك ياحج منصور نستأذن بئي ..

منصور: والله ابدا الشاي جي..

حسام: معلش ياحج مره تانيه ان شاء الله .. وهنبئي نكلمك علشان نروح الشهر العقاري نسجل العقود ونديك باقي المبلغ ..

...................

حسام بيكلم شيماء مراته..

شيماء: حبيبي الف مبرووك.. خلاص مضيتوا العقود

حسام: اه ياحبيبتي الحمدلله

شيماء: الحمدلله يااارب .. الف مبروك يادكتور

حسام: مبروك علينا كلنا انتي ناسيه انك هيبئي ليكي مكان فيها ولا ايه يادكتوره

شيماء: انا فرحاانه اووي ياحساام ..... ومحضرالك مفاجأه بالليل هتفرحك اووي

حسام: مفاجأه ايه!

شيماء: مستعجل ع ايه يادكتور لما تيجي هتعرفهاا

حسام: خلاص ياروحي.. انا هقفل دلوقتي علشان وصلت المستشفي ... بوسيلي البنات .. مع السلامه

حساام بيدخل المستشفي وبيباشر مرضاه وبعدها بيدخل اوضه الدكاتره يرتاح ويشرب حاجه .... بيدخل عليه شريف..

شريف: ايه يادكتور كلمت شيماء!

حسام: ايوه ياسيدي كلمتها وفرحاانه اوووي

شريف: البنات عاملين ايه!

حسام: الحمدلله زي الفل ..... شريف انا خايف الفلوس اللي معانا ماتكفيش يعني لسه هنبني المستشفي ونجيب الاجهزه ..

شريف: سبها ع ربنا....... احنا فاجأه بعد ماكنا دايخين ع حته ارض ربنا بعت لنا هديه من السماا والحمدلله لقناها .. ماتشلش هم انت بس وسيبها ع الله

حسام: ونعم بالله ...

................

حسام مروح بيته بتستقبله شيماء بترحاب وبلهفه كبيره ..

حسام: البنات فين!

شيماء: البنات ياسيدي اتعشوا وناموا...... مش ناوي بئي تيجي اوريك المفاجأه اللي محضرهالك ....... وبتاخده من ايده وبيدخلوا اوضتهم بتفتح شيماء الدرج وبتطلع لفه وبتديها لحسام ...

حسام: ايه ده!

شيماء: افتحها وشوفها............. حسام بيفتحها بيلاقيها فلوس

شيماء: ايه رأيك ف مفاجئتي!

حسام: جبتيهم منين!

شيماء: بص ياسيدي انا كنت عند ماما النهارده وعرفت انك رايح تكتب عقد الارض وقالتلي هديتي لحسام الفلوس دي علشان انتوا داخلين ع مصاريف كتييير

حسام: ياخبر ياشيماء وانتي طبعا ماصدقتي واخدتيهم

شيماء: وفيها ايه بس ياحسام احنا فعلا داخلين ع مرحله تانيه خالص ولسه هتبنوا المستشفي وهتجيبوا الاجهزه

حسام: انا كنت شايل هم الموضوع ده فعلا..

شيماء: شفت ازااي .. اكيد هنحتاجهم

حسام: اشكريلي ماما جداا ربنا يخلهالنا يااارب

............. ف نفس الليله حسام نايم

حلم انه ف الارض وماشي فيها وفجأة لقي باب ف وشه الباب ده كل الناس بتحذره منه انه يفتحه وبيقلولوا بلااش تفتحه بلااش .. حساام ف الاول خااف شويه ... بس بعدها اصر يفتح الباب ده وماسمعش كلام اللي حواليه اللي بيحذروه انه يفتحه .. فتح حسام الباب بشويش فاجأه لقي نفسه بيقع من فوق جبل عاالي اوووي .. والراجل اللي شافه عند الارض واقف بيضحك بصوت عاااالي اووووي ... حسام بيقوم من النوم مفزوع ومخضوض وبينهج ومش قادر ياخد نفسه

انتظروا الجزء الثانى ...