أخبار عاجلة

هشام طلعت يصعد بـ"بيطرى " الزقازيق الى المركز الاول فى "شعر"يوم الصداقة

الاثنين 27 فبراير 2017 04:40:00 مساءً

رانيا الشوبكى

حصلت كلية طب بيطرى الزقازيق على المركز الأول فى مجال الشعر وذلك فى يوم الصداقة الثامن عشر المقام حاليا للتنافس في الأنشطة بين طلاب كليات الطب البيطري بجامعات الزقازيق والسادات وبنها والمنصورة والزقازيق وقناة السويس».

وقال هشام طلعت بدر الدين الحاصل على المركز الأول فى مجال الشعر بقصيدته "أنا التايه"، إن مشاركة الجامعة تمت تحت إشراف الدكتور ماجد أبو هاشم الاستاذ بكلية الصيدلة ، وأنه قد سبق وحصل على المركز الأول فى مسابقة الشعر التى تجرى سنويا بين طلاب الكلية ، بالإضافة الي المركز الثانى فى اسبوع شباب الكليات الأول فى جامعة الزقازيق تحت عنوان سيناء فى القلب .

وهذا نص القصيدة

أنا التآيه في بلآدِ اللّْه... وَاحدْ بيدَوْر عَليَ مَولآه...

لَقيتكْ ف الطَريْق المَأوى والمَولي...

حَمدت اللّْه... شَكرت اللّْه...

 

وزَادِي في الطَرِيق بَسْمة.... وعَادِي لو كَآنت ضِحكَة...

بلآقي فِي عِيُونِكْ لُقمَة... واحِسْ بِشربة المَية...

حَنآنْ مِنكْ يِقوْيِني....

وِخَلآنِي...سُلْطآن بِلآ جَآه ...

 

ووقت الحُزنْ بِيجِيلي ومِين يسْمَعْ الشَكْوىَ...

مَفِيشْ غِيركْ هِنا جَنبِي...

تِفهَمِيني وانآ عَآجِز عَنْ النَجْوَي...

ف إزآي أكْوُنْ أنآ شآيفِكْ وإنتِي فِ القَلْب مِنْ جِوآه

 

وقَلبْ البَحر مُش آمِن

 ورَغمِ الخُوفْ أنآ بآمِن...

لِقلبِكْ الِ زَيّ الْبَحر وِجِوآه الْجَمَالْ كَامِن...

ولَو كُنت غَريِقْ بَحْرِكْ هَلآقِي فِيه الحَيآة

 

 انا التآيه في بلآدِ اللّْه... وَاحدْ بيدَوْر عَليَ مَولآه...

لَقيتكْ ف الطَريْق المَأوى والمَولي...

حَمدت اللّْه... شَكرت اللّْه...

 

انا العاشق بقولهالك

هشيل هم السما بدالك

انا صوتك ف وقت الخوف

وانا جنبك علشانك

عنيكي فيها كل الكون

يااجمل بنت من كونك

وانا و انتي انا انتي

انا حضنك وتنهيدتك

وبرغم انك بعيدة عني

بيجي ف الكلام سيرتك

وف حكاية مبوصفهاش

لكن بحسها ف شكلك

تضميني بكل الشوق

وانا طفل يبات جنبك

يا تخديه لحضنك فوق

يا اما تسقيه من حبك

ف حبيني كمان ضمي

ونسيني يومي وهمي

وقومي ف مرة وصلي

وتدعيلي وانا ادعيلك

عشانك قلبي ينساني

وينبض نبض مش ليا

احس بروحي علشانك

كاني اتخلقت م الاول

عشان اكونلك وابقالك

انا والله مش ناسك

ولا ماسك ف نسيانك

داانا لو كنت اكون بيتك

اكون اهلك واخواتك

يا نجمة ف السما عالية

يا عالية عني اخبارك

بفكر ف الحياة الدنيا

ومش بنسي اقولهالك

بحبك اه كمان جدا

ف حبيني وضميني

واحييني مرة بسؤالك

يجوز انك وحشيني

وفرض عليا اندهلك

عشان العشق اجباري

ولا بيدي ولا بيدك

مكنش الحب دا فكري

ولا ف الهوي بمشي

لكن الصدفة غلابة

ويصعب عليا انا بُعدك

اقول ف الليل من شعري

يدوب ف نهاري من بَعدك

اخاف اني مكتبشي

وبكتب كما لو كان كدا أمرك

يقولوا العشق يفضحني

وانا اصلا مبحكيش

وانا مين ال ريحني

دا حتي النفس رافضة تعيش

وصدقيني لو تيجي

هتلاقي الكلمة جاهزة مفيش

مفيش ف قلبي الا انتي

يا حكاية بس مبتتحكيش

واتدللي وكوني ولي

وانا ليا فيكي مذهبي

 ف الحب متشدد اوي

لا احب حد يبصلك

ولا بنت تيجي تبصلي

ورهنت قلبي معبدك

وبعد الصلاة بتستغفري

لو يوم شيطانك  خيِّلِك

وقالك ف غيري فكري

وابقي اضحكي...

وابقي تعالى وأسألي

عني وأموري وضحكتي

شاركيني مرة بسمتي

ياللي انتي حبك بالقوي 

واخدتي مني حنيتي

حبك دا اصلا مذهبي