أخبار عاجلة

‏«أباظة» لـ رئيس نادى الشرقية: " أنا دخلت النادى علشان ادعم الفريق "‏

السبت 25 فبراير 2017 11:46:00 مساءً

محمد محمود

رد أحمد فؤاد أباظة راعي الفريق الكروي بنادي الشرقية، على الإتهامات الموجهة إليه من قبل الدكتور حمدي مرزوق رئيس مجلس إدارة نادي الشرقية بشأن تخطيه شئون فريق الكرة وعمل حفلات ومشاريع تروجية داخل النادي والحصول على نسبة 95 %.

 

وفي مداخلة هاتفية لبرنامج "من ستة لتسعة" الذي يذاع على قناة القاهرة ويقدمه الاعلامي أشرف ممدوح، نفي أباظة ذلك مؤكدا أن ذلك عار تماما من الصحة قائلا " عيب أرد على الكلام ده يا راجل عيب الكلام ده احنا كبار تروجية ايه انا دخلت النادي عشان ادعم فريق الشرقية، بايدي ايه اعمله انزل ألعب معاهم ، احنا بنحمل كل المحبة للادارة بداية من مرزوق هم بيختلقوا مشاكل انا مش فضيله انا مبتكلمش فى تفاهات صغيرة".

 

وأكد أباظة راعي نادي الشرقية، انه كان يهمه في المقام الأول ألا يكون الشرقية في المركز الأخير وتولى الرعاية لكي يدعم الشرقية وتعاقد مع أفضل مدربين ولاعبين على مستوى عالي، وأنه لا يمكن للاعب ان يريد الخسارة والفريق عندما يهبط اللاعب سيكون في الشارع.

 

وقال أباظة "أنا مش داخل مشروع انا بدعم الشرقية بناءا على تكليف مرزوق احنا مفيش بنا تركة، ولو الشرقية كان نجح كانو قالوا والنبي خليك، انا حزين مكنتش اتمنى نوصل للمرحلة دي يا دكتور حمدي تصدق بالله انا مقرأتش العقد والله ما اعرف فيه ايه المحامين هم اللي عملوه".